(26) KEKANCAN

KEKANCAN

Dening : Bila Eprilita Intriani

            Srengenge durung muncul ing tlatah wetan, lan sinare durung madhangi buwana.

Nanging Bagas wis tangi kawit jam 04:00 WIB. Bagas iku kegolong bocah kang rajin,sregep, lan patuh marang wong tuane. Saiki Bagas lagi munggah kelas 12. Dheweke sekolah ing SMA Mangun 1. Sabendinane sakwise Bagas tangi, dheweke sholat ing masjid banjur ngaji menyang omah. Yen wektune durung nunjukke jam 05:30 WIB dheweke nyambi sinau pelajaran kanggo dina iki.

            Wektu wis nunjukke jam 5:30 WIB, Bagas banjur adus, sarapan lan siap-siap budal sekolah.Dina iki Bagas budal luwih isuk amarga iki dina Senen. Sabendina Bagas numpak pit bareng kancane jenenge Arya.

            “Weh bro !” Bagas nyapa Arya

“Oee, ayo budal ! mengko kita bisa telat.” Arya ngajak Bagas budal sekolah.

“Oke bro ! aku dina iki uga tugas piket kelas.”

Perjalanan kawit omah teko sekolahan kurang luwih mung 5 menit.

            Sawise teka ngarep gerbang sekolahan, Arya lan Bagas banjur mudun saka pit lan nuntun pit e ning parkiran kanthi nata pit supaya rapi. Amarga, yen pit e ora ditata kanthi rapi bakal diseneni dening Bu Jeki. Arya lan Bagas mlaku menyang kelase dhewe-dhewe. Dina iki tugas pikete Bagas. Bagas ngapus papan tulis lan nyapu sak deret bangku kelas.

Jam 07:00 WIB kabeh siswa pada kumpul ing halaman sekolah kanggo ndereg upacara bendera. Bu Reni mlebu kelas-kelas lan ngakon bocah-bocah kumpul ing halaman sekolah. Kabeh siswa-siswi dibariske rapi saben kelas. Sabanjure upacara kabeh siswa-siswi pelajaran ing kelas. Sekolah bubar jam 15:30 WIB. Bagas nduweni kanca kelas sing bandel lan mbolosan, jenenge Riki. Ora ngerti napa Riki sing jarene wayah SMP bocahe sregep lan pinter saiki SMA dadi nakal lan mbolosan. Akhir-akhir iki Riki nyedaki Bagas lan ngajaki Bagas dolan.

“ Gas Bagas ! Ayo mengko bengi tak ajak metu. Tak enteni ng ngarep sekolahan jam 19:00 WIB. Ojo sampek telat!” 

Bagas sakjane wis pernah  nolak, nanging Riki tetep meksa. Bagas ora wani ngadepi Riki amarga kancane sangar-sangar. Bagas wedi yen dheweke diajak gelut utawa dibuly ing sekolahan. Saben ba’da Magrib Bagas diajak Riki ngangkring ing warung cedhak alun-alun nganti bengi kurang luwih jam 10 nganti jam 11.

Mula Bagas maleh dadi bocah sing mbangkongan lan mbandel. Saben wayah  isuk dheweke maleh telat sholat Subuh nganti tau ora sholat barang. Bu Sri saiki kudu nggugah Bagas, amarga dheweke ora tangi yen ora diurak-urak tangi.

“ Lee Gas Bagas dang tangi ! srengengene wis ning dhuwur kae lo. Mengko telat le !”

Bagas amung molat-molet ng kasur. Bu Sri banjur gawa banyu sakgelas kanggo grujuk Bagas amarga dheweke ora tangi-tangi.

            “Waduh-waduh ! Banjir ! Banjir !” Bagas bengok banter amarga kaget.Sakbare digrujuk Bagas lagi gelem tangi lan cepet-cepet budal sekolah.

Wis 2 minggu luwih Bagas maleh mbandel lan jarang omong-omongan karo Arya. Bagas saiki luwih sering karo Riki. Nanging Bagas saiki ngerti napa Riki maleh mbandel lan nakal. Wis 2 tahun Riki mung tinggal bareng Pak Sarto amarga ibuke Riki wis seda. Riki dadi kekurangan kasih sayang saka wong tuane. Mula dheweke maleh seneng metu bengi lan mbandel ing sekolah supaya oleh perhatian.

Bagas uga sadar lan njaluk tulung Arya supaya Riki bisa dadi bocah sing apikan lan sregep kaya ndisek.

“Arya! “

“Eh bro ! kena ngapa ?” Jawabe Arya

“ Sorry bro, wis suwi ora budal sekolah bareng meneh lan omong-omongan”

“ Iyo bro, wis orapopo.” Jawabe Arya

“ Ngene bro, kowe ngerti Riki ? lah aku njaluk tulung kowe ngancani aku ngomong marang Pak Joko supaya luwih pengerten marang Riki lan Riki bisa dadi bocah sing sregep lan ora nakal maneh.”

“Piye ngomonge ? mengko yen Pak Joko nesu amarga salah omong kepriye ?

Emm. Ngene wae kowe crita ning bapakmu supaya ngewangi omong menyang Pak Joko. Kepriye ?” Arya menehi ide menyang Bagas.

“Ooo iyo iyo setuju . Mengko aku crita menyang bapakku”

Sawise teka omah Bagas uga nyuwun ngapura ing bapak lan ibune. Lan nyritaake masalahe Riki supaya bapake bisa menehi solusi lan ngewangi omong menyang Pak Sarto.

            Sesoke Pak Jono, Bagas, lan Arya mara ing omahe Riki.

            “ Assalamu’alaikum?”

“ Waalaikumsalam, Pak Jono . Monggo mlebet . Niki kenangapa nggeh ?” pitakone Pak Sarto

“Nyuwun pangapunten pak, kula nggeh mboten niatan ngurusi masalah panjenengan marang Riki. Nanging kula badhe menehi ngertos yen Riki sakniki maleh dadi bocah sing radi nakal. Tirose anak kula dheweke kirang kasih sayang lan pangerten, pangapunten yen kula lancang ngomong ngenten niki “

“ Maksud Pak Jono pripun ? kula  mboten pangerten marang anak kula ?”

“ Nggeh mboten pangerten nanging kirang pangerten pak.” Jalase Pak Jono

“Riki sakniki maleh drastis pak. Pangapunten nggeh,  wayah SMP dheweke bocah kang sregep lan pinter. Nanging akhir-akhir niki dheweke berubah pak.” Jelase Bagas.

Pak Sarto meneng banjur mikir yen omongane Bagas lan Pak Jono uga ana benere. Riki malih berubah drastis .

“Nggeh matur suwun Pak Jono, lee . Kula sadar yen kula kurang perhaten marang Riki. Kula bakal luwih perhaten supaya Riki ora nakal lan mbandel maneh. Kula sayang marang Riki. “ 

            Sawise kuwi, kurang luwih 2 minggu Riki sithik-sithik maleh ora mbandel lan nakal maneh. Dheweke saiki kekancan karo Bagas lan Arya. Cah 3 kuwi sabendino budal muleh sekolah bareng numpak pit, dolan bareng lan sinau bareng.