(29) Kanca Dadi Musuh

Kanca Dadi Musuh

Dening : Denik Nurazizah

Nang siji sekolahan yaiku SMAN 1 Kenanga, ana sekumpulan bocah-bocah sing  jenenge Khaila,Lisa,Elfi,lan Rika. Kae bocah  4 pancen wes dadi kanca kawet kelas 10 terus kaya ora bisa dipisahna. Dadi sahabat susah, seneng, sedih mesti ngrasakna bareng-bareng. Bocah 4 kae sak sekolahan nanging beda kelas kabeh. Khaila karo Lisa jurusan IPA, nanging Rika karo Elfi jurusan IPS. Masia ngana tapi cah papat mesti budal lan muleh sekolah bareng.

Sawijining dino senin, Khaila siap-siap arep budal sekolah. Ibuke Khaila, bu Syifa nyiapne sarapan kanggo putrine lan bapake Khaila, pak Herman.

“Khaila, wes bar apa during leh mu tata-tata? Ayo ndang sarapan bareng bapak kene.” Dawuhe ibuk e.

“Nggeh buk, niki nggeh ajeng mriku.” Saurane Khaila.

Khaila anak tunggal sangka ibu Syifa lan bapak Herman. Masia ngunu Khaila ora padha karo bocah-bocah liane. Khaila ora manja lan wes biasa mandiri. Selain iku, Khaila sregep sholat lan ngaji Al-Qur’an.

Sak wise sarapan, mara-mara enek suara salam ing jaba omah.

“Assalamu’alaikum ….” Ngucap salam bareng wong telu.

”Wa’alaikumussalam,eh cah kok wes teka kene? Aku wae mau lagek bar sarapan. Wes pada sarapan ta iki?” pitakone Khaila.

“Halah yo uwes ta, cah kene kok.” Jawabe Elfi.

“Ayo ndang budal, selak awan mengko.” Ajak e Lisa

“Ayo, Khai wes siap ta?” pitakone Rika.

“Wes siap, ayo budal.”

Cah papat mau budal bareng motoran saka omahe Khaila mara ng sekolahan.

Teka sekolahan pas arep mara ning kelas, cah papat mau cethukan karo balane ariska,Evi karo Ria. Cah telu kui wis popular ning sekolahan. Cah telu kui gak seneng karo Khaila lan kancane.

“Eh enek cah sok alim karo pengikute ki.” Sindirane Ariska.

“Eh, nylonong wae etok-etok gak ngerti.” Sambungane Evi.

“Woy budge ya? Dasar “. Sindirane Ria.

Elfi wis gak kuat ngrungokne ocehane cah telu kui.

“We gak usah ngomong ngunuwi isa apa ora ta hah? Jaga ya omonganmu.”saurane Elfi.

“Wes fi gak usah diladeni omongane. Ayo ndang mlebu kelas.” Ajakane Khaila.

Khaila karo Lisa sak kelas karo Ariska. Ariska bocah paling popular sak sekolahan. Merga popular,akeh cah lanang sing naksir karo deweke. Deweke seneng dandan ning sekolahan. Merga deweke popular, Lisa iri karo Ariska lan pengen isa kaya Ariska.

Bel muleh wes muni, cah papat Khaila,Lisa,Elfi, lan Rika janjian arep tuku jilbab ning toko jilbab. Nanging Lisa gak isa melu alesane enek janji karo ibuke. Padahal ora enek janji karo ibuke. Deweke ngapusi karo kanca-kancane. Lisa malah ngajak ketemuan karo Ariska njaluk warah piye carane dandan terus ben isa popular. Akhire Ariska gelem lan wong lara ketemuan ning kafe.

“Nyapa we dengaren ngajak aku ning kene?”pitakone Ariska.

“Ngene, aku pengen jaluk tulung ning kowe. We kok isa popular ning sekolahan apa rahasiamu? Jujur aku pengen kaya kowe.”saurane Lisa.

“Oh…ngunu ta. Nak kowe pengen roh, we kudu janji karo aku. We kudu ngedohi Khaila karo kanca-kancamu kui. Janji?” pitakone Ariska.

“Aku janji.”jawabe Lisa.

Lisa akhire setuju karo janjine Ariska. Lisa gak mikir piye mengko dampak mburine. Gak mikir piye mengko kanca-kancane ning deweke. Sing penting deweke isa ayu lan popular sak sekolahan. Lisa dijak Ariska mara ning toko cosmetic lan mara ning salon. Suwi-suwi Lisa wis akrab banget karo Ariska.

Budal sekolah,Lisa wis ora bareng karo Khaila,Elfi,lan Rika. Ning sekolahan Lisa maleh aworane karo balane Ariska,Evi,lan Ria. Ora mung kui, penampilane wis beda. Deweke saiki maleh dandan ayu lan maleh rada caper karo cah lanang. Khaila lan kanca-kancane cethukan karo Lisa. Eroh kelakuane Lisa saiki sing kebangeten, Khaila langsung marani Lisa.

“Astagfirullah Lisa, kok kowe maleh dadi ngeneki? Istigfar Lisa, tingkahmu iki gak pantes.” Pitakone Khaila.

“Nyapa ta Khai, sak karepku aku arep nglakoni apa. Iki hak ku ya ta Ris?”saurane Lisa.

“Betul Lis, nyapa adewe nyiak-nyiakne urip iki selagi adewe isa seneng-seneng, ya ta gays?”jawabe Ariska.

“Cocok banget.”sambungane kancane.

“Istigfar Lis, we gak pantes ngelakoni ngeneki.”

“Nyapa ta kowe kuwi, minggir aja ngalangi dalanku!” Lisa jangkakne Khaila.

“Astagfirullah, jahat kowe kuwi Lis.”sautane Elfi

Lisa wes gak gatek omongane Elfi.

Khaila sedih lan gak percaya Lisa isa tega ngelakoni kui lan maleh nemen sakwise amor karo Ariska. Padahal Lisa ndisike apik banget karo Khaila lan wis dianggep dadi kanca sing paling apik ning atine Khaila. Nanging saiki Lisa wis maleh dadi wong nakal. Saiki wonge mentingne awake dewe ketimbang karo kanca apike dewe.

Ning kelas, Khaila ora sengaja krungu omongane Lisa karo Ariska.

“Eh, mengko mara ning kafe ya kowe arep tak kenalne karo kancaku, jenenge Dito. Gelem ta?”pitakone Ariska.

“Gelem banget, kafe iki kan? Oke aku rana”.saurane Lisa.

Tibakne Lisa arep ketemuan karo cah lanang sing arep dikenalke karo Ariska. Khaila langsung nuntuti wong lara kui ning kafe. Khaila gak pengen Lisa mengko luwih adah kelakuan eleke. Akhire teka ning kafe. Khaila eroh enek cah lanang lara ning kana.

“Eh, wes suwi nunggu ta. Maaf ya.”pitakone Ariska.

“Ogak kok Ris, kanggo kowe aku siap nunggu teka bengi.”saurane Rian.

“Alah gombal. O ya Lis iki wonge, ayo kenalan.”

“Jenengku Dito. Salam kenal ya.” Ajak e Dito

“Eh, iya. Jenengku Lisa. Salam kenal.”karo jabatan tangan.

Mara-mara Khaila marani Lisa.

“Lisa!”sentake Khaila.

“Loh khaila, nyapa kowe rene?”

“Aku sing kudune takok nyapa kowe rene?

Lisa nggereti tanangane Khaila ngedohi wong telu mau.

“Kowe nyapa rene? Arep ngurusi urusanku? Kowe gak enek hak arep ngatur aku”.

“Aku gak arep ngatur kowe Lis, aku…”dipotong Lisa.

“Halah wis cukup. Kawet saiki nganti seteruse aku gak gelem dadi kancamu maneh lan adewe wes gak enek hubungan apa-apa. Dadi kowe aja ngurusi urusanku titik.”

Kerungu omongane Lisa,Khaila langsung lara ati lan langsung ngaleh ninggalne Lisa. Khaila wis gak perduli karo Lisa maneh.

Telung minggu wis lewat, lara ati Khaila iseh ana gung isa ilang nganti saiki. Tapi Khaila nyoba ngalekne Lisa saka pikirane. Nanging angger pethukan karo Lisa ning dalan, Khaila dadi kepikiran maneh lan gk isa ngelalekne Lisa amarga Lisa kanca apike kawet kelas 10. Kelakuane Lisa luwih rene luwih parah nakale. Deweke saiki senengane pacaran lan gawene metu bengi. Saiki kelakuane Lisa wis ora isa ditoleran karo Khaila,Elfi lan Rika.

Bulan Desember enek ujian sekolah semester ganjil. Wayahe kabeh murid pada sregep sinau kanggo ujian sekolah kurang seminggu engkas. Khaila,Elfi,lan Rika pada sregep sinau, nanging beda karo Lisa sing mentingne leh pacaran ketimbang sinau

Khaila ngajak Elfi lan Rika sinau bareng ning omahe Khaila. Kabeh pada sregep sinau. Nanging sakwise ibune Khaila nyuguhne panganan,Rika langsung sergap panganan kui amarga wetenge wes luwe. Kabeh pada ngguyukne Rika ora sida sinau. Mara –mara enek suwara wong celuk-celuk jenenge Khaila. Khaila langsung metu lan mbukaki lawang ngarep. Tibakne sing nyeluki Lisa. Khaila kaget trus langsung Lisa dikon mlebu.

Lisa langsung cerita ning kanca-kancane nak Lisa dipermainke karo pacare lan Lisa langsung mutusi pacare. Lisa ngomong karo kancane lan janji arep terus bareng karo Khaila,Elfi,lan Rika. Kanca-kancane seneng ngrungokke omongane Lisa. Apa maneh Khaila. Akhire Khaila,Elfi, Rika lan Lisa ngumpul maneh lan ngelalekne masalah sing ndisik.