(17) Putih Abu Abu

Putih Abu Abu

Dening: Annisa Dyah S

            Ing sawijining sekolah favorit ing kota yaiku School Of Perfoming Art, ning kana ana murid sing bodo lan pinter. Sekolah kui bedakne kelas sing isine wong pinter karo kelas sing isine wong bodo. Salah sijine murid sing dadi kebanggan sekolah kui yaiku Song Daehwi, bocahe pinter, mesti juara 1, lan ketua OSIS, sing digandrungi karo bocah bocah wedok ing sekolah. Bedo karo Kim Nam Joo, bocah bodo, gaene gawe masalah, peringkat ngisor, nanging Kim Nam Joo nduweni hobi yaiku nari K-pop karo kancane sing jenenge Kang Seulgi. Nam Joo karo Seulgi nduweni markas gawe latian nari ing sekolahan, nanging hobi ne bocah 2 kuwi mau gak didukung karo pihak sekolah.

            Ing wayah isuk, ana Namjoo karo Seulgi sing lagi mlaku ing markas gawe latian nari. “Seulgi yah, dina iki cover nari opo ya?” takone Nam Joo ing Seulgi, “Ehm… opo ya? Aku yo bingung.”  Jawabe Seulgi, “Cover lagu ne BTS IDOL, Wanna One beautifull, Ikon Killing Me?” takone Nam Joo, “BTS IDOL, lagune lagi rilis ndek wingi, gerakane yo apik.”  Jawabe Seulgi antusias, “Oke, kajja seulgi yah.” Nam Joo ngejak Seulgi nari lagune BTS IDOL. Nam Joo lan Seulgi seneng iso latian nari lagune BTS IDOL nanging ana guru sing gak seneng ana karo hobine bocah 2 kuwi. Guru mau nyita ruangan sing digawe latian nari, alasane mbrebeki bocah sing lagi sinau. Nam Joo karo Seulgi protes, tapi guru mau tetep bakal nyita ruangan latian sak kan isi isine.

            Nam joo luapne emosine nari ning atap sekolah, ing kono bakne enek Song Daehwi, murid kebanggan sekolah. Daehwi ngerti opo sing lagi dialami Namjoo, Daehwi ndelok Nam Joo nari nanging Nam Joo gak ruh nek enek Daehwi ning atap sekolah. “Kyaaa,,,,”  Nam Joo kaget ngerti Daehwi sing lagi namatne deweke nari. “Nyapo we ning kene?” takone Nam Joo, “Iki tempat umum, sak karepku meh ning ndi, termasuk atap sekolah iki”, Nam joo cuman iso meneng, “Nyapo kok meneng? Kudune kowe protes ning guru mau sing nyita ruangan latihan. Iki gak adil, murid sing pinter dibanggakne, sing bodo ditindas.” ucape Daehwi ing Nam Joo. “Gak usah, aku ikhlas kok” jawabe Nam Joo pasrah. Daehwi kagum karo sifate Nam Joo sing iklas, sabar, gak dendam. Sak banjure kuwi Nam Joo karo Daehwi dadi kanca akrab, Daehwi karo Nam Joo gawene sinau bareng, Daehwi ngajari Nam Joo rumus matematika. Daehwi ngenalne sahabate awit cilik sampe saiki ning Nam Joo, jenenge Kim Ji Soo. Nam Joo yo ngenalne sahabate ning Daehwi yaiku Seugi. Bocah 4 kuwi mau akhire dadi sahabat sing tak terpisah.  

            Ujian akhir ameh teko. Daehwi, Ji Soo, Nam Joo, Seulgi ameh sinau bareng ning perpustakaan sekolah. “Ameh sinau opo disek ki?” takone Ji Soo ning kanca kancane, “Matematika, rumuse marai pening, aku warai yaa” permohonan Seulgi ning Ji Soo, “Oke, kajja uri chingu”, jawab Ji Soo dengan senyuman. Daehwi, Nam Joo, Ji Soo, Seulgi sinau, kadang diselingi karo guyon, ben ora mempeng. Nanging ana sing iri marang bocah 4 mau, yaiku Cho Ara. Ara iri marang Daehwi soale Daehwi mesti juara 1, sedangkan Ara cuman iso juara 2, Ara kepingin juara 1 kaya Daehwi, Ara yo iri marang Nam Joo sing nduweni kanca sing apikan.

            Ing wayah awan sakbanjure istirahat, Kang Shin Woo wali kelas Daehwi lan kanca kancane iku mlaku cepet cepet, sampe gak keroso nek enek sing ceblok yaiku flasdish sing isine soal lan kunci jawaban ujian akhir sekolah. Soal lan kunci jawaban mau bocor, akhire Pak Shin Woo ngadakne razia, kabeh tas muride digledahi. Bakne flasdish sing isine soal lan kunci jawaban ana ing tase Daehwi, “Bapak, gak nyangka, murid nomer 1 ing sekolahan nyolong data soal ujian akhir.” Ucape Pak Shin Woo kecewa, “Mboten kula pak sing nyolong soal ujian akhir” bela Daehwi, “Bukti uwes ana, Song Daehwi di skors 3 dina lan ora bisa melu ujian akhir.” Ucape Pak Shin Woo karo mlaku metu saka kelas. Kanca kancane Daehwi metu saka kelas karo ngedumel, kecewa marang Daehwi. Ji Soo kancan cedak Daehwi sing sak kelas marani Daehwi “Sabar, aku ngerti kowe ora bakal nyolong soal ujian akhir, mesti enek sing fitnah” ucape Ji Soo gawe nenangke sahabate kuwi, Daehwi cuman mbales senyum ing Ji Soo. Sakbanjure kuwi Nam Joo, Seulgi, Ji Soo, Daehwi, tuku jajan ing kantin. “Mesti sing nyolong soal ujian kuwi ora kowe, Daehwi cuman di fitnah” ungkape Seulgi, “Benar, mosok yo juara 1 ing sekolahan iki nyolong soal ujian” tambahe Nam Joo, “Uwes, gak usah dimasalahne, aku tak nggolek informasi nek aku ora salah”, Daehwi nenangke kanca kancane sing lagi emosi.

            Ujian akhir uwes dimulai, Daehwi ora bisa melu ujian akhir. Sakbanjure ujian akhir wis bar, pengumuman peringkat uwes ditempel ning papan pengumuman, juara 1 Cho Ara. “Gak enek Daehwi, pantes sing juara 1 Cho Ara” “Nek enek Daehwi, mesti sing juara 1 ora bakal Cho Ara” rasan rasane bocah bocah sing lagi ndelok pengumuman.

            Daehwi akhire ruh sapa sing fitnah deweke nyolong soal ujian akhir, Daehwi ruh saka CCTV sing ana ing sekolahan. Bukti kuwi mau diserahne ing Pak Shin Woo ing ruang guru. Tibakne sing nyolong soal ujian akhir mau Cho Ara pas Pak Shin Woo gak sengaja nyeblokne flasdish bar kuwi flasdish iku dijipuk Ara lan dilebokne ing tase Daehwi. Akhire Ara minta maaf ing Daehwi, Ara ngaku nek deweke gae cara kuwi ben ora diseneni ibuke, ibuke mesti nyeneni Ara nek ora bisa juara 1. “Maaf ya Daehwi, aku ora bakal ngulang kesalahan ku maneh” ungkape Cho Ara karo nangis, “Tak maafne Ara, saiki ora usah nangis” ujare Daehwi ikhlas. Daehwi ora nesu marang Ara, Daehwi nawarke ing Ara ben bisa dadi kanca apik. Ara seneng bisa nduweni kanca seapik Daehwi.  “Gak papa, lupakne kenangan sedih, genggam tanganku lan tertawalah” ungkape Nam Joo ing Ara karo senyum. Daehwi, Nam Joo, Ji Soo, lan Seulgi akhire dadi sahabat.